Welkom biej Karnavalsvereniging de Plekploasters oet Boaksum!
Leef plekploasters en Plekploasterinnekens,
Waat ein iér om de 56e prins van de Plekploasters te moge zeen.
Moog ich mich effe vöärsjtelle: Prins Eric de 1 ste of te waal Eric Slabbers
Al vanaaf mien iërste levensjoar woean ich in Boaksum. Opgegruudj op de "Brias" aan de Rieksweag, woa mien Pap en Mam een tuindersbedrief haaje. Tomaate plukke en slaaj sjteake, det waas doa dageliks werk. Destieds heat doa vöäl Boaksumse jeugd un centje biej kinne verdeene. Hel wirke, mèr ouch hiel gezellig met zovöäl minse öäver de vloer.
Inmiddels bin ich zelf alweer miër den 25 joar getrouwdj mit mien leef Mariet(je). Same höbbe wea twiej geweldige dochters Lydie en Kristel, die inmiddels allebei studeere, maar gelukkig waal nog allebei thoes woeane.
Van moandig tot en met vriedig riej ich noa Lomm, net vöärbiej Venlo, woea ich wirk biej ut bedrief AMI b.v. Wea maake doa aluminium deure en alles wat d'r bie huërdj om die te sjloete en te öäpene. Vanoet 't managementteam probeer ich doa de produktie en inkoup aan te steure. Al met al 'n leuke job binne dit fantastisch bedrief.
Van kleins aaf aan bin ich lid van RKVB en höb 12 joar in ut iërste gevoetbaldj. Door blessures bin ich motte stoppe met voetballe en höb doanoa 15 joar in ut bestjuur gezeate. Noe fluit ich op zunjig 't damesteam, woea beide dochters in voetballe. Om noch een bietje actief te sporte, ben ich, noa gestoptj te zeen mit voetballe, goan tennisse bie TCB. Det doon ich nog steeds mit vöäl plezeer.
Met trots durf ich te sjtelle, dèt Mariet en ich noch noeats un-ne karnaval höbbe öävergeslage. Same met ozze vrinjegroep "de Kliek" en de hiële familie Caris zeen we d'r altied en doon gear met aan diverse karnavalsaktiviteite. Behalve aan de leedjesoavondj, want zinge det kinne we neet zo good. Toch höbbe wea veurig joar 't "Toet en Kwaak" gewonne, mèt dank aan de voice of Johan (Caris).
Begin oktoeaber ging de telefoon, emès van 'n enqueteburo, John Creemers dus. Mariet en ich woore totaal verrasj, toen de vroag kwoom of ich Prins woeaj weare. Wea dachte nog "ut mot neet gekker weare", maar natuurlijk waas 't antwoord joa. Mèt de vroag weam as adjudante gevroagdj kos weare, waas ich sjnel kloar. Twiej vreunj, al vanaaf de liëgere sjoal, Piet (Caris) en Andre (Rietjens), zooje 't motte weare. Gelukkig woore ouch Margot en Margriet geliek entoosjast. Ein gezellige periode van vöärbereiding volgdje, wea höbbe al get aafgelache.
Ich wil uch den ouch allemoal oetnuedige, om same mit os vasteloavendj te veere. Jonk of oad, diek of dun, met vöäl of weinig hoar, as we maar lol höbbe. We zeen met dees daag toch ein groeate plekploasterfèmilie en goan d'r mit zien alle un-ne sjoeane vasteloavendj van make.
En dit alles onger mien motto:
Effe gein racket of balle,
dit Slabbertje geit carnavalle
Klik HIEJ vöär de oetnuediging van-ne Prinseresepsie
Hiej bèn ig dèn: Jeugdprins Stan 1e
50ste jeugdprins van 't klein Plekploasterriëk.
Moog ig mig èfkes vöärsjtelle:
Ig bèn Stan Janssen,
Geboare in Boaksum, zoon van Marc & Marjon,
Groeate broor van Teuntje en woeanendj op-pe Gildelaan.
Sjoealgoantj noa de Sjoeale gemeinsjap St Ursula in Höar.
Ig hoaj van voetballe biej de jeugd van RKVB. Ouch doon ig gear ein bèlke sjloan biej Tennisklup T.C.B.
As ig neet boëte te vinje bèn, doon ich gear game op-pe sjpelkompjoeter.
Dit joar hoap ich same mèt eine nuuje jeugdroad, d'r eine sjieke tied van te make in ôs jeugdhonk. En natuurlik hoap ich det ederein doa is en goot mèt duit.
Dit gebeurdj allemoal onger miene kreet:
Games en balle aan de kantj
Drie daag fiëste in Plekploasterlandj
ALAAF!!!!!! ALAAF!!!!!! ALAAF!!!!!!